«Бала шақтан - болашаққа мемлекеттік тілмен»

2017 жылдың 4 мамырында Қазақстан халықтары бірлігі күніне орай, Курчатов қаласының мәдениет және тілдерді дамыту бөлімінің ұйымдастыруымен «Бала шақтан – болашаққа мемлекеттік тілмен» қалалық конкурсы өткізілді.
Достық үйінде өткізілген конкурсқа 4-6 жас аралығындағы балабақша тәрбиеленушілері қатысты.
Ісшараның мақсаты – бүлдіршіндердің және ата-аналардың қазақ тілін үйренуге деген қызығушылығын арттыру және мемлекеттік тілді оқытудың жайын зерделеу.
Конкурс барысында кішкентай бүлдіршіндер өздерін және отбасы мүшелерін мемлекеттік тілде таныстырып, Отан, тіл, ата-ана, достық, бақытты балалық шақ туралы тақпақтар орындады.
Сонымен қатар, конкурстың «Бұл кім, ол не?» бөлімінде экранда көрсетілген жеміс-жидектер және жан-жануарлардың атауларын мемлекеттік тілде атап, тапқырлықтарын көрсетті.
Ісшара соңында барлық қатысушыларға дипломдар мен естелік сыйлықтар табыс етілді.

Мәдениет және тілдерді дамыту бөлімі